សេចក្តីណែនាំ

ប័ណ្ណវីសានិម្មិត ស៊ិនហាន ត្រូវបានបង្កើតឡើងភ្លាមៗតាមរយៈ SOL Cambodia app ។ វាមានលក្ខណៈសម្បត្តិ និងគុណសម្បត្តិ ដូចគ្នាទៅនឹងប័ណ្ណទូទាត់ទំនិញធម្មតាដែរ ប៉ុន្តែវាមានភាពនិម្មិត និងមិនត្រូវបានបោះពុម្ពជាកាតជ័រឡើយ។ ប័ណ្ណនិមិ្មតត្រូវបានបង្កើតឡើងដើម្បីធ្វើការទូទាត់ទំនិញតាមអនឡាញ វាមិនអាចប្រើប្រាស់សម្រាប់ធ្វើការដកជាសាច់ប្រាក់ ឬទូទាត់ទំនិញតាមរយៈម៉ាស៊ីន POS បានឡើយ។

សិទ្ធិទទួលបាន

អាយុចាប់ពី 18 ឆ្នាំឡើង

មានគណនីជាមួយធនាគារស៊ិនហាន

មាន User នៃ​ SOL Cambodia App

មុខងារ និង អត្ថប្រយោជន៍

ភាពងាយស្រួល

  - ស្នើសុំភ្លាមៗតាមរយៈកម្មវិធីទូរស័ព្ទដៃ SOL Cambodia App

  - មិនគិតសេវាស្នើសុំ និងសេវាប្រចាំឆ្នាំ

  - ទូទាត់ប្រាក់ឆាប់រហ័ស និងងាយស្រួលតាមរយៈទូរស័ព្ទដៃ

  - មិនបារម្ភអំពីការបាត់ ឬភ្លេចកាតនៅកន្លែងណាមួយ

ការពារការក្លែងបន្លំ

  - ការពារព័ត៌មាននៅលើកាតរបស់អ្នកប្រកបដោយសុវត្ថិភាពខ្ពស់

  - លេខសម្ងាត់របស់កាតត្រូវបានគ្រប់គ្រងដោយម្ចាស់កាត់ផ្ទាល់

  - អាចធ្វើការបង្កកកាត ឬបញ្ឈប់ការបង្កកកាតភ្លាមៗបានដោយខ្លួនឯង

គ្រប់គ្រងការចំណាយ

  - កំណត់ទំហំប្រតិបត្តិការទូទាត់

  - ពិនិត្យមើលប្រវត្តិនៃប្រតិបត្តិការរបស់កាត

របៀបបង្កើតប័ណ្ណវីសានិម្មិត

1. ការតម្លើងកម្មវិធី SOL Cambodia

  - ចូលទៅកាន់កម្មវិធីទូរស័ព្ទដៃ “App Store” ឬ “Google Play”

  - ស្វែងរកពាក្យ “SOL Cambodia”

  - ចុច “Install” ឬ “Update” ប្រសិនបើអ្នកធ្លាប់តំឡើងកម្មវិធីក្នុងទូរស័ព្ទដៃរួចហើយ

  - រងចាំរហូតដល់ដំណើរការរួចរាល់

2. ការស្នើសុំកាតនិម្មិត

  - បើកកម្មវិធី SOL Cambodia App

  - ចុចលើកាត ▶ អូសទៅខាងស្តាំ ▶ ចុចលើប៊ូតុង (+)

  - ចុចលើ “កិច្ចព្រមព្រៀងស្នើរសុំកាតនិមិ្មត”

  - ទាញយក “បញ្ញត្តិ និងលក្ខខណ្ឌកាតនិមិ្មត” ▶ ចុចប៊ូតុង “បន្ទាប់”

  - កំណត់ “ទំហំប្រតិបត្តិការ” ក្នុង១ថ្ងៃ និងក្នុងមួយលើក ▶ ចុចប៊ូតុង “បន្ទាប់”

  - កំណត់ “ថ្ងៃទូទាត់” និង “សេវាផ្ញើសារ” ▶ ចុចប៊ូតុង “បន្ទាប់”

  - ដាក់ “លេខសម្ងាត់កាត” ▶ ដាក់លេខសម្ងាត់ម្តងទៀត ចុងប៊ូតុង “បន្ទាប់”

  - ពិនិត្យលើព័ត៌មានសម្រាប់បើកកាតនិមិ្មត ▶ ចុចប៊ូតុង “បន្ទាប់”

  - ដាក់លេខសម្ងាត់ M-OTP

  - ការបើកកាតនិមិ្មតបានជោគជ័យ ▶ ចុចប៊ូតុង “យល់ព្រម”

  - កាតនិមិ្មតនឹងបង្ហាញក្រោយពេលស្នើសុំរួចរាល់ និងអាចប្រើប្រាស់បានភ្លាមៗ

សុវត្ថិភាពនៃការប្រើប្រាស់

ត្រូវប្រាកដដោយខ្លួនអ្នកថា អ្នកបានស្គាល់អ្នកជួញដូរតាមអ៊ីនធឺណេត ហើយបានដឹងពីកេរ្តិ៍ឈ្មោះរបស់គេថាល្អត្រឹមត្រូវមុនពេលបើកបង្ហាញព័ត៌មានលម្អិតនៃប័ណ្ណរបស់អ្នក។ ដើម្បីការពារប្រាក់របស់អ្នកយើងសូមណែនាំអោយអ្នកទិញទំនិញពីហាងដែលល្បីៗមានប្រភពនិងពីពាណិជ្ជករដែលគួរទុកចិត្តបានប៉ុណ្ណោះ។

មុនពេលបញ្ចូលព័ត៌មានលម្អិតអំពីប័ណ្ណរបស់អ្នកនៅលើអ៊ីនធឺណេត អ្នកត្រូវប្រាកដថាអាសយដ្ឋានគេហទំព័រចាប់ផ្តើមដោយ (https://) មានន័យថារាល់ព័ត៌មានដែលបានបញ្ចូលត្រូវបានការពារដោយលេខកូដបិទ និងមិនអាចថតទុកដោយជនខិលខូច។

សូមកុំធ្វើការឆ្លើយតបទៅអ៊ីម៉ែលណាដែលសុំអោយអ្នកបញ្ជាក់ព័ត៌មានកាតរបស់អ្នក ឬឈ្មោះប្រើប្រាស់ និងលេខសម្ងាត់ដែលអ្នកបានចុះឈ្មោះប្រើសេវាណាមួយតាមអនឡាញ។

យើងសូមណែនាំអោយអ្នកទិញទំនិញនៅតាមហាងណាដែលគេហទំព័ររបស់ហាងមានស្លាកសញ្ញា “Secure Code” និង “3D-Secure” ដែលចេញដោយវីសា។ ទាំងនេះជាប្រព័ន្ធទំនើបចុងក្រោយបំផុតដែលជួយការពារសុវត្ថិភាពរាល់ពេលផ្ទេរទិន្នន័យ និងទូទាត់នៅតាមអ៊ីធឺណេត។