ទំនួលខុសត្រូវនៅក្នុងសង្គម

នាថ្ងៃទី២៨ ខែសីហា ឆ្នាំ២០២៤ ធនាគារ ស៉ិនហាន (ខេមបូឌា) ម.ក បានចុះហត្ថលេខាលើអនុស្សារណៈយោគយល់ជាមួយអង្គការរក្សាកុមារ និងក្រុមហ៊ុនអូតូបាន វីអេជី ក្នុងការសហការទៅលើគម្រោង សាងសង់បន្ទប់ទឹក នៅសាលាបឋមសិក្សាស្នោឃ្លៃ ដែលស្ថិតនៅក្នុងខេត្តកំពង់ធំ។ កម្មវិធីនេះ មានការផ្តល់កិត្តិយសអញ្ជើញចូលរួមពីសំណាក់ លោកជំទាវបណ្ឌិត ជា សិរី - ទេសាភិបាលធនាគារជាតិនៃកម្ពុជា និងលោកជំទាវបណ្ឌិត អ៊ឹង កន្ថាផាវី - រដ្ឋមន្ត្រីនៃក្រសួងកិច្ចការនារី ។វាគឺជាមោទនភាពរបស់ធនាគារស៊ិនហាន ដែលបានចូលរួម និងសហការក្នុងព្រឹត្តិការណ៍ដ៏មានអត្ថន័យនេះ។ យើងជឿជាក់ថាបរិយាកាសប្រកបដោយផាសុកភាព និងអនាម័យមានឥទ្ធិពលយ៉ាងខ្លាំងទៅលើគុណភាពសិក្សា និងសុខុមាលភាពរបស់សិស្សានុសិស្ស។

កាលពីថ្ងៃទី២១ ខែមិថុនា ឆ្នាំ២០២៤ ធនាគារស៊ិនហាន បានចូលរួមឧបត្ថម្ភដល់សមាគមធនាគារនៅកម្ពុជាក្នុង “ព្រឹត្តិការណ៍ដាំកូនឈើ និងជួសជុលកែលម្អអគារសិក្សា សាលាបឋមសិក្សាសត្ថារាម” ដែលស្ថិតនៅ ភូមិតារុង ឃុំភ្នំដិន ស្រុកគីរីវង់ ខេត្តតាកែវ។

ធនាគារសិនហានយើង តែងតែមានសក្តានុពលនៃការយល់ដឹងអំពីបរិស្ថាន និងមានឆន្ទៈក្នុងការផ្សព្វផ្សាយពីបញ្ហានេះដល់កុមារផងដែរ។ ការដាំដើមឈើ អាចកាត់បន្ថយដល់កំំណើននៃការកើនកំដៅផែនដី។

-- បើដើមឈើងាប់ ចូរដាំដើមឈើមួយទៀតនៅកន្លែងរបស់វា --

>